स्वदेस न्यूज (प्रतिनिधी) : –
आजची चांगली बातमी आहे श्रीनगरहून
श्रीनगरमधील ऐतिहासिक ‘पोलो ग्राउंड पार्क’ हे कश्मिरी फ्लोरीकल्चर विभागाच्या संचालिका मथूरा मासुम आणि त्यांच्या टीमने कबाड आणि टाकाऊ वस्तूंचा वापर करून एका आकर्षक ‘वंडर गार्डन’मध्ये चकाचक बदलले आहे. बाजारपेठेतून एकही नवीन वस्तू न खरेदी करता या अधिकाऱ्याने कचऱ्यापासून सौंदर्य निर्माण केले आहे.
पडलेल्या झाडांच्या फांद्या, जुने टायर, खराब झालेल्या इलेक्ट्रिक केतल्या आणि जुने पोल या कबाडपासून बनलेले वंडर गार्डन एक आकर्षक कलाकृतीत रूपांतरित झाले आहे. लाकडापासून बनवलेली छोटी ट्रेन, जुन्या टायर्सचे प्लांटर्स आणि केतल्यांचे सुंदर फुलदाण्या यासाठी एकही रुपया खर्च करण्यात आला नसून बाजारातून कोणतीही नवीन सामग्री खरेदी न करता ३५ पेक्षा जास्त सुंदर इन्स्टॉलेशन्स तयार केली गेली आहेत. मुलांना आकर्षित करण्यासाठी बनवलेल्या कोळी व सुरवंटाच्या मूर्ती यांचाही यात समावेश आहे.
बागेतील आणि कार्यालयातील पुनर्वापर केलेल्या कचऱ्यापासून पूर्णपणे तयार केलेल्या या सजावटीच्या रचना आहेत. विभागाने १९८० च्या दशकातील जुने खांब, न वापरलेल्या हातगाड्या आणि टाकून दिलेला ट्रॅक्टर यांचाही पुनर्वापर करून, बागेतील प्रदर्शनांचा भाग म्हणून त्यांना नवजीवन दिले आहे.तसेच ऐतिहासिक बदामवारी बागेला सर्व ऋतूंसाठीचे पर्यटन स्थळ म्हणून विकसित करण्यात आले असून, तेथील ५० कालव्यांचे लॅव्हेंडरचे क्षेत्र मोठ्या संख्येने पर्यटकांना आकर्षित करत आहे.
याविषयी काश्मीरच्या कश्मिरी फ्लोरीकल्चर विभागाच्या संचालिका मथुरा मासूम यांनी सांगितले की, विभागाने बाजारातून कोणतीही नवीन वस्तू खरेदी न करता, टाकून दिलेल्या साहित्याचे ३५ हून अधिक कलात्मक प्रतिष्ठापनांमध्ये रूपांतर केले आहे. “आम्ही अजून त्याला अधिकृतपणे नाव दिलेले नाही, पण विभागात आम्ही त्याला वंडर गार्डन म्हणतो. बाजारातून काहीही खरेदी केलेले नाही. सर्व काही आमच्या बागा आणि कार्यालयांमधील वस्तूंचा पुनर्वापर करून वापरले आहे,” असे मासूम म्हणाल्या.
त्या पुढे म्हणाल्या की, “लोकांनी काहीतरी वेगळा अनुभव घ्यावा. कचरा केवळ गोळा न करता त्याचा पुनर्वापर व्हावा, ही यामागील कल्पना आहे,”
ही बाग जुलै महिन्यात किंवा ऑगस्टच्या सुरुवातीला जनतेसाठी खुली केली जाण्याची शक्यता आहे. तसेच गेल्या वर्षी थीम गार्डन म्हणून सुरू करण्यात आलेले क्रायसँथेमम गार्डन, मोठ्या विस्तारानंतर ऑक्टोबरमध्ये पर्यटकांसाठी पुन्हा खुले करण्यात येईल.
