- बाप्पाची सेवा करण्यासाठी विधायक पुढाकार
- ५०१ मूर्ती बनवण्याचा संकल्प
स्वदेस न्यूज :- (प्रतिनिधी)
आजची चांगली बातमी आहे धुळ्यातून…
गणेशोत्सव जवळ आल्यामुळे सर्वत्र गणेश मुर्ती घडवण्याचं काम सुरु आहे. धुळे जिल्हा कारागृहात असलेल्या गणेश मूर्ती विभागात दहा कैदी देखील सध्या गणेश मूर्ती घडवण्यात व्यस्त आहेत. तुरुंगात असलेल्या एका कैद्याला मुर्तीकला येत असल्यामुळे त्याने इतरांना देखील प्रशिक्षण दिलं आहे. कारागृह अधिक्षक एकनाथ शिंदे यांच्या मार्गदर्शनाखाली 501 मूर्ती बनवण्याचा संकल्प कारागृह प्रशासनाने ठेवला आहे.
गणेश मूर्ती विभागात एकूण दहा कैदी काम करत आहेत. त्यात 9 शिक्षा झालेले व एका न्यायाधीन कैदी यांचा समावेश आहे.
तुरुंगात 21 प्रकारच्या गणेश मूर्ती बनविल्या आहेत. त्यामध्ये लालबागचा राजा, दगडूशेठ हलवाई गणपती, गरुडावर विराजमान गणपती, बालगणेश, फेटा घातलेला गणेश यांसारख्या मूर्तींचा देखील समावेश आहे.
गेल्या वर्षी शाडू मातीच्या पर्यावरण पूरक 101 मूर्ती या कैद्यांनी बनवल्या होत्या. त्यातून कारागृह प्रशासनाला एक लाख 44 हजार रुपयांचे उत्पन्न प्राप्त झाले होते. यावर्षी 501 पर्यावरण पूरक गणेश मूर्ती बनविण्याचा संकल्प करण्यात आला आहे. कैद्यांनी घडवलेल्या सुबक मूर्ती पाहून सर्वजण आश्चर्य व्यक्त करीत आहेत.
Wah , apratim