स्वदेस न्यूज(प्रतिनिधी) :-
आजची चांगली बातमी आहे लडाखहून
लद्दाखचे वन्यजीव रक्षक खेनरब फुस्तुग यांनी तब्बल 47 हिमनड बिबट्यांचे जीव वाचविले आहेत. या बिबट्यांचे जीव वाचवण्यासाठी त्यांनी कोणतीही अत्याधुनिक उपकरणे न वापरता प्रामुख्याने साधे जिन्नस जसे की एक ब्लँकेट आणि जाळीचा वापर केला आहे.
खेनरब फुस्तुग हे लडाखमधील हेमिस नॅशनल पार्क या बर्फाच्छादित डोंगराळ भागात 2000 पासून वन्यजीव संरक्षण विभागात आपली सेवा देत आहेत. या सेवेत त्यांनी एकूण 47 हिमनड बिबट्यांची सुटका करून त्यांना सुरक्षितपणे जंगलात सोडले. हे कार्य त्यांनी बिबट्यांवर नशा आणणारी औषधे न वापरता, केवळ ब्लँकेटने त्यांचे डोळे झाकून त्यांना शांत करत व जाळ्यात सुरक्षित पकडत केले आहे. कोणत्याही मोठ्या शस्त्रांशिवाय, केवळ धैर्य, प्राण्यांच्या वर्तणुकीचा अभ्यास करत त्यांनी केलेल्या या कार्याचे कौतुक होत आहे. त्यांच्या या कामगिरीमुळे मानव व वन्यजीव यांच्यातील संघर्ष कमी झाला असून परिसरातील हिमबिबट्यांच्या संख्येत मोठी वाढ झाली आहे.
त्यांच्या या उत्कृष्ट योगदानासाठी २०१७ मध्ये त्यांना रॉयल बँक ऑफ स्कॉटलंडचा प्रतिष्ठित “सेव्ह द स्पीशीज पुरस्कार” प्रदान करण्यात आला.
